====================
Yeroo tokko intala dubaraa yeroo baay'ee rakkina garaa garaatin qoramtu tokkotu ture.Intalli kun rakkina tokko yoo hiikte rakkina biraatu ishee qunnama. Jireenyi isheen jirattu waan itti hadhaa'ef kana booda rakkina ishee qunnamu dandamachuu akka hin dandeenye guyyaa tokko abbaa isheetti himte.
==>Abbaan intala kanaa hojataa mana nyaata waan ta'ef haalashee erga argee booda intala isaa kana harka qabatee kutaa nyaata itti qopheessan dhaqe. Distii 3 tti bishaan guutee ibbidda irra kaa'e.
==>Bishaan distii keessaa yeroo danfuu jalqabu,
...Distii 1ffaatti dinnicha
...Distii 2ffaatti killee
...Distii 3 ffaatti immoo buna naqee itti qadaade. Utuu homaa hin dubbanne amma danfutti dhaabate eege. Intallisaa garuu eeguu dadhabdee hojii abbashee kaanatti aarte.
==>Daqiiqaa 20 booddee ibidda dhaamsee dinnichaa fi killee Shaani (Sahini) tokkorra kaa'ee bunas siniitti buusee fulduraa intalaa kaa'e.
==>"Intalakoo amma maal argita" jedhee gaafate. Intallisaas miiraa aarii keessa galte "dinicha, killee fi bunaka" jetten.
==>"Sirritti ilaali dinnichicha xuqi" jedhen. Isheenis xuqxee gaafa ilaaltu jabina isaa akka dhabe hubatte.
==>killee kanas mee cabsii ilaali" jedhen. Isheenis cabsitee gaafa ilaaltu keessi killichaa jajjabaataa ta'ee argite.
==>Dhumarratti bunichas akka dhadhamattu itti hime. Isheenis bunicha dhadhamattee gaafa ilaaltu kan dhadhamnisa namatti toluu fi foolinsa urgaa'u ta'usaa hubatte.
==>"Abbaakoo kun maalidha" jetteen. Abbaan ishees ibsuufi jalqabe. "Dinichi, killee fi bunni kun bishaan walqixxee danfetti naqamani. Garuu sadan isaanituu deebin isaan bishaan danfaa kanaaf Kennan garaagaradha.
==>Dinichi jalqaba jabaataa ture. Bishaan danfaadhan yeroo qoramu garuu humnisaa lallaafe.
==>Killeen jalqaba yoo kufe cabee akkuma salphaatti dhangala'u, amma garuu gaafa ibidda kanaan affeelamu humna godhatee dhangala'oon keessasas jajjabaate.
==>kan baay'ee nama dhibummoo daakun bunaa kun bishaan danfaadhan gaafa qoramu bishanicha gara dhandhama gaaritti jijjiiree foolii gaarii ta'etti jijjiiree wanta haaraa uume.
🗣Yaa intalakoo ati isa kamidha?. Gaafa rakkinni siqunnamu ati deebin kee maalidha? Mee naaf deebisi" jedheen. Isheenis ol-baastee gadi buustee itti yaaddee " yaa abbaakoo fakkenya keerraa waan baay'een hubadhe. Kana dura akka dinicha kanaan ture. kana booda garuu akka killeetti keessakoo jabeesse akka bunaatti dhandhama fi foolii toleen sitti agarsiisa" jetten jedhama.
sadan kana keessaa atihoo isa kamidha?
Rakkina si muudatef deebii akkamii kennaa jirta? Wanuma xiqqoodhan abdii kutattee gungumaa jirtamoo kunis gaarummaadhaf jette galateeffatta?
0 Comments