Maaliif Karoora Kee Guyyaa 3 Booda Dhiista? (Gufuwwan Sammuu fi Furmaata Isaa)

Maaliif Karoora Kee Guyyaa 3 Booda Dhiista?

Karoora kee guyyaa 3 booda maaliif akka dhiistu beektaa? Si Qofa miti; namoonni miliyoonaan lakkaawwaman rakkoo kana keessa jiru. Guyyaa jalqabaa kaka'umsa guddaa qabda, guyyaa lammaffaa itti fufta, garuu guyyaa sadaffaa irratti sammuun kee harka kennuuf qophaa'a. Kun laafina kee osoo hin taane, mala ykn tooftaa ati itti fayyadamtuudha. Har'a, dhiphina kana akkamitti akka injifattu fi milkaa'ina kee akkamitti akka tasgabbessitu siif himuufan as bahe.

Maaliif Guyyaa 3 Booda Dadhabna? 

Waan haaraa yeroo jalqabnu, sammuun keenya bakka itti barree jirru (Comfort Zone) keessaa bahee bakka haaraa dhaquu waan sodaatuuf, karaa salphaa nuuf barbaada. Kun guddina kee keessatti gufuu guddaa dha; sababni isaas sammuun kee bakka nagaa qabu sanatti deebi'uu waan barbaaduuf. Dadhabbii kana 'The Dip' ykn 'Wixxifannoo' jenna waamna. Kun mallattoo ati sirriitti guddachaa jirtuu agarsiisa. Namoonni 100% dhibba keessaa sagaltama (90%) bakka kanatti yeroo dadhaban dhiisu. Garuu ati yoo kana darbite, guddina kee isa dhugaa argita.

Yeroo 'dadhabbii' kana keessa jirtu, sammuun kee 'hin dhiisu' jedhee akka hin yaanne si gochuuf mala hedduu fayyadama. Garuu, yeroo ati 'guyyaa 3' kana darbitu, sammuun kee 'humni keenya guddachaa jira' jedhee amana. Kanaafuu, guyyaa 3ffaan kun bakka ati itti guddattu malee, bakka itti dhiistu miti. Kanaafuu, yeroo dadhabbii sitti dhaga'amu 'Sammuun koo amma waan haaraa barachaa jira' jedhii of jajjabeessi.

Mee yaadi, akkuma mukti tokko erga biqilee booda roobaaf aduu danda'ee guddachuu jalqabu, ati immoo guyyaa 3ffaa kana darbuudhaan jireenya kee keessatti 'harka-qalleessa' ta'uu dhiiftee gara 'milkaa'inaatti tarkaanfatta. Guyyaa 3ffaan kun qormaata kee isa guddaa dha. Yoo kana darbite, guddina kee kan nama hunda dinqu argita. Kanaafuu, yeroo dadhabbii keessa jirtu, 'Ani guyyaa 3ffaa kana darbee jira' jedhii ofitti himi.

Kaka'umsa (Motivation) vs Mala (System)

Kaka'umsa (Motivation) irratti Hin Hirkatin

Namoonni baay'een 'kaka'umsa' ykn 'motivation' irratti hirkatu. Kaka'umsi akkuma ibsaa xiqqoo tokkoon qoraan dhaamaa (cibra) qabsiisuu ti. Kaka'umsai (Motivation) yeroo jalqabaa sammuu kee qabsiisee, 'Eeyyee, har'a irraa nan jijjiirama!' akka jettu si taasisa. Garuu, 'ifni' sun yeroo gabaabaaf qofa kan tura malee, inni boba'aa yeroo dheeraa siif ta'uu hin danda'u. Namni kaka'umsa qofa irratti hirkatu, guyyaa 'ifni' sun dhaame, hojii isaa gadi dhiisa.

Inni Itti aanu immoo 'mala' (System) uumuu dha. Mala jechuun, hojii kee guyyaa-guyyaan akkuma manatti ibiddi akka  boba'aa bulchuuf qoraan itti dabalan sanatti, hojii kee guyyaa-guyyaan raawwachuu dha. Motivation yeroo siif dhufu itti fayyadami, garuu inni yeroo dhabamu, mala keetu ibiddicha boba'aa siif taasisa. Mala yoo qabaatte, kaka'umsa kee hin eeggattu; hojiin kee akkuma amala kee isa guyyaa-guyyaa ta'a.

Kun 'Compound Effect' (Guddina wal-irraa fufu) jedhama; kana jechuun hojii xiqqoo guyyaa-guyyaan hojjettu sun, waggaa tokko keessatti harka 37 ta'ee si guddisa. Kana jechuun, yeroo ati 'guyyaa 3 booda dhiisa' jettu, ati carraa guddina kee sana of irraa kuttee jirta jechuudha. Motivation akkuma 'badhaasaa' (reward) siif dhufa, garuu dura 'mala' (system) kee irratti hirkadhu.

Salphaatti himuuf, 'Motivation' ibiddicha siif qabsiisa, 'Malli' (System) immoo qoraan itti dabaluudhaan ibiddich akk  siif boba'aa bulu taasisa. Namni 'Mala' qabu, namoota kaka'umsa qofaan jiraatan irraa adda ta'ee sadarkaa guddinaa irratti dhaabbata. Kanaafuu, hojii kee guyyaa 3 booda dhiisuuf osoo hin taane, 'mala' sirrii fayyadamtee guyyaa 365 guutuu milkaa'inaan akka itti fuftu ofitti himi.

Kaka'umsa (Motivation)	Mala (System)
Akkuma ibiddicha qabsiisuuti	Akkuma qoraan itti naquuti
Yeroo gabaabaaf tura	Hamma dhumaatti si geessa
Miira irratti hirkata	Amala guyyaa-guyyaa irratti hirkata

Mala salphaa: Habit Stacking

Amala haaraa uumuuf mala 'Habit Stacking' (Amala wal-qabsiisuu) jedhamu fayyadami. Kana jechuun, amala kee isa durii (kan guyyaa hunda yaadannoo tokko malee gootu) waliin amala haaraa sana wal-qabsiisuu dha. Sammuun kee amala durii sana beeka, kanaafuu amala haaraa itti dabaluun sammuu keetiif salphaa ta'a. Fakkeenyaaf, 'Erga bishaan ganama dhugee booda, fuula tokko kitaaba dubbisa' ykn 'Erga mana barumsaa/hojii galee booda, daqiiqaa 10 qofa karoora borii baafadha' jedhii ofitti himi. Kun sammuu kee keessatti hariiroo haaraa uuma, dadhabbii guyyaa sadaffaa sana akka ati hin yaadne sitaasisa.

Malli kun kan si gargaaru, kaka'umsa (Motivation) irratti osoo hin taane, 'yeroo' fi 'haala' irratti waan hirkatuufi. Yeroo ati 'Erga X godhee booda, Y nan godha' jettu, sammuun kee hojii kana akka 'seera' tokkootti fudhata. Kun dadhabbii guyyaa sadaffaa (The Dip) sana akka ati hin yaadne godha, sababni isaas amalli kun akka bishaan dhuguu ykn mana qulqulleessuu amala kee isa guyyaa-guyyaa ta'a.

Mala kana yeroo itti fayyadamtu, dandeettii kee guyyaa-guyyaan akka guddatu goota. Yeroo hunda amala xiqqoo eegaluun baay'ee murteessaa dha. Fakkeenyaaf, guyyatti sa'aatii 5 dubbisuuf yaaluu mannaa, fuula 1 qofa dubbisuun 'Habit Stacking' kee keessatti akka qabdu gochuun, guyyaa 365 booda kitaabota baay'ee akka dubbistu si taasisa. Kun guddina kee kan tasgabbessuu fi akka hin dhiisne si gargaaruu dha.

Goolabbii fi Tarkaanfii

Guyyaa 3ffaa kee darbuuf tarkaanfii akkamii fudhatta? Hojii kee, barnoota kee ykn jireenya kee irratti amala tokko fooyyessuuf kutannoo qabaadhu. 

Hojii kee: Comment keessatti naaf barreessi: 'Ani nama tarkaanfii fudhatuudha!' jedhii. Waliin guddachuu keenya itti fufna!' Hiriyoota keetiif share godhi.