Nyaata Aadaa Oromoo Arsii

 

Nyaata Aadaa Oromoo Arsii

Seensa

Nyaata Aadaa jechuun Oromoo Arsii biratti Nyaata kabajaa fi iddoo guddaa qabuudha.Oromoo Arsii biratti gosoonni nyaata aadaa hedduutu jiru.nyaanni aadaa kun harki caalaan sirnoota adda addaatiif kan qophaa’u yoo ta’u, ufumaa manatti fayyadamuufis ni qopheeffatu.  Nyaata aadaa oromoo arsii biratii beekamoo ta’anii fi akkaataa itti qophaa’an akkaa aramaan gadiiti haa ilaalluu mee.

Gosoota nyaata aadaa oromoo arsii

1. Finiina
2. Marqa
3. Marmaree
4. Halaqanaa
5. Caccabsaa
6. Micciirraa

Finiina

Finiina jechuun foon diimaa jaji’anii aduu keessatti goggogsani mooyyeeti tumani ergasii dhadhaa wojjiin woliti makuudhaan hojjatamuun nyaataaf kan oluudha/kan  dhihaatuudha.

Nyaatni kun osoo hin alaa’iin/osoo foolii haaraa hin kennin yeroo dheeraafis turuu kan danda’uudha.Finiinni yeroo Cidhaa fi keessummaan ulfaattuun namatti dhuftu heddumminaan qophaaya.

Marqa

Marqa jechuun nyaata aadaa oromoo arsii keessaa isa tokko yoo ta’uu kan inni qophaa’uus miidhaan kannen akka garbuu, qammadii fi boqqolloo irraa kan hojjatamuudha.haa ta’uu malee irra caalaatti filatamaa kan ta’ee marqa garbuu irraa hojjatamuudha.kana jechuun sirritii kan filatamu marqa garbuuti jechuudha malee kuuwwan hin ta’u yookaan hin nyaatamu jechuu miti. Sababni isaas garbuun aadaa ummata oromoo arsii birrati miidhaanoota jiran keessaa isaa hangafaa ta’ee fi gahee olaana kan qabuudha.dabalataanis qaama namaa ijaaruu, humna kennufi aanisaa dabaludhan faayidaa baayyee kan qabu waan ta’eef marqii garbuu baayyee filaatamadha.akkasuma garbuurraa gaafa marqamu marqi isaas sirritti jabaata, yoo nyaattus hedduu sitti tola. Marqi marqameef qofa osoo hin taane sirriitti jabaate yoo bilchaatee dhadhaan sirnaan itti buufamee fal’aanaan gaafa kutattu hanga fal’aan siharkaa cabsuutti kan gahu yoo ta’e marqa gaariidha jenna.

Marqii garbuu yeroo hojjatamuu jalqaba irrati midhaantuu qophaayaa. Ittii aansuun immoo miidhaan qophaayee kana moayyeetti naquudhaan qara cabsama/biilaa/qaranaa isaattu irraa caccabsama. achiin booda immoo hafarsanii bishaanitti buusanii erga xiqqoo tursiisan booda ni findigama/mooyyeetti tumama.ergasii booda aduu keassatti afuudhaan goggogsanii irra deebi’anii tumuun qulqulleessuun akka daakamuuf qopheessu. gochoonnii arman olitti tuqaman kunniin hundii kan raawwataman osoo midhaan hin daakamin dura kan raawwatamaniidha.

Ergasii booda garbuu haala kanaan qulqulaa’ee kana harkaan dhakaa daakkaatti daakuun ykn baabura midhaani daaku geessuun midhaanichi akka daakamu taasisu. erga daakamee booda immoo gingilchaan sirriiti gingilchu. erga gingilchani qulqulleessanii booda ibidda qabsiisanii okkotee ykn meeshaa marqa ittii bilcheessuuf qopheefatan san ibidda irraa kaayuudhaan aannan/areera ykn bishaan ittii naquun danfisu.bishaanichii danfee ergaa jedhee booda immoo ashaboo ittii naquu; ittii aansuun immoo daakuu qophaayee san itti buusuudhan haaxumaa ykn maamasadhan sirritii woliin gahuudhan ni laaquu. Okkotee jaba yoo ta’ee immoo ibbidaa irraa lafaa buusani maddii ibbidaa kaayuudhan miilaan okkoteetti ijjatanii haxumaadhan/maammasaadhaan sirriti woliin gahu.erga laaqani woliin gahanii booda immoo okkotee qadaaddoo isii itti qadaaduudhan ibidda irratti deebisan. Haala kana irra deddeebiin raawwatu hanga inni sirriitti xiixee bilchaatuutti ibidda irra tursiisuudhan kan rawwatamuudha.ergaa bilchaachuun isaa mirkaneeffamee booda qorii ykn meeshaa marqichii ittii nyaatamutti baafamuun dhadhaan baqfamee dhimbiibamee sirritti qulqullaa’ee marqichatti naqamudhaan nyaataaf dhiyaata.marqi yeroo garagaraatti qophaa’uu danda’a.fakkeenyaaf yeroo Cidhaa akkasuma yeroo sagantaa garagaraa.marqi Oromoo Arsii biratti nyaata baratamaa yeroo hunda nyaatamuudha.

Marmaree

Marmaree jechuun nyaata beekamaa oromoo Arsiiti.kan irra qopha’u irra caalaa midhaan akka qamadii ykn garbuu irraayi. Akkuma maqaan isaa ibsutti, marmareen mammaramaadha. Kan irraa qophaa'u irra caalaatti qamadiifi garbuudha. Marmaree hojjachuuf daakuu daakuu qopheeffatu .sana booda bishaanitti naquun sukkuumu.erga sirriitti sukkuumanii miciqaa xiqqeessanii kutuun harka lamaan jidduu galchanii qaqaldhisanii rigu.isa akka gamadaatti fooyamu sana akka nama korboo maruutti yookaan akka nama safeedii dhahuutti maru. Isa maramu kana yoo fedhan takkaan dhiisu yoo barbaadan immoo dachaan maru. Haala kanaan hanga barbaadan erga tolchanii booda ibidda qabsiisanii eelee sibiilaa yookaan eelee Faaraa irra kaayanii oowwisu. Erga eeleen oowwitee raawwattee booda marmaree fuudhanii irra kaawuudhaan bilcheessu. marmaree tolchani hundaa bilcheeasnii irraa fuudhuudhaan kan ibiddi gube albeedhaan irraa fooqu. Marmiricha erga haala kanaan goggogsanii bilcheessanii meeshaa akka saafaa/tiriitti bakka tokkotti erga wolitt qabanii dhadhaa baqsanii itti naquun sirritti dibanii woliin gahu. Amma nyaataaf qophaawe waan ta’eef yoo fedhan ammauma nyaatu yoo fedhan immoo qoritti guuruun olkaayu.

Caccabsaa

 Caccabsaan Nyaata Aadaa Oromoo Arsii biratti sirritti beekamuudha. Caccabsaan kan hojjatamu qixxaa qamadii ykn qarbuu irrahi. Daakuu Garbuu yookiin Qamadii  miciqanii qixxaa (xoroshoo) hojjatanii eelee irratti erga bilcheessanii ykn goggogsanii booda  eelee irraa fuudhuun iddoo ibiddi tuqe yookiin gube hunda irraa faaquun yookiin bocuun qopheessu. erga bocanii qopheessanii booda qorii ykn waan biroo keessatti caccabsanii dhadhaa baqfame itti naquun bsirriitti woliin sukkuumu. Haala kanaan erga raawwatamee booda nyaataaf dhihaata. Caccabsaan Oromoo Arsii biratti nyaata heddumminaan dhihaatuudha.

 Micciirraa

 Micciirraan Nyaata Aadaa Oromoo Arsii biratti kabajaa fi iddoo guddaa qabuudha. Micciirraa jechuun  nyaata yeroo cidhaa, sagantaa garagraa fi gumaata adda addaatiif kan qophaawuudha. Micciirran kan hojjatamu Bassoo irraahi.Nyaanni kun kan hojjatamu jaalqaba miidhaan garbuutu qophaaya. erga midhaan garbuu qophaayee booda moyyeti naqamee tumamuun qara cabsama. Ergasii immoo ibiddi ni qabsiifama,ergaa ibiddi qabsiifamee booda immoo eelee sibiilaa ibidda irra kaayuudhaan garbuun bifa bareeda ta’een ni akaayama.erga akaayamee booda immoo eelee irraa bafamuudhan xiqqoo lafa tursiifama hanga qabbanaa’utti. Erga qabbanaa’ee booda mooyyetti naqamee sheerumama/tumama. ergaa sheerumamee/mooyyetti tumamee booda mooyyee keessaa baafamee  hafaarsamuudhaan hansaraa keessaa qulqullessanii urgoo fi mi’essituu gosa  garagaraa itti dabaluudhan dhakaa daakkaa ykn baaburaa midhaan nyaataa itti daakamu geessuudhaan haala bareeda ta’een daakkama/bassoo/bachoo isa jedhamu sana ta’a jechuudha. Inni daakkamee bifa daakuutin qophaaye sun immoo bachoo/bassoo jedhama. Bachoon/bassoon kun adeemsa armaan olitti tuqame kana kessa taree erga dhufee booda jalqaba irratti gingilchaadhaan sirriitti irra deddebi’amee gingilchama. Bachoon/bassoon erga  haala bareeda kanaan sirritti qulqullina isaa eeggaatee qulqullaa’ee booda Saafaa  yookiin meeshaa bal’aa micciiraa keessaati hojjachuuf qophefameetti naqama. Ergaa bachoon meeshichatti naqameen boodaa immoo kuukusii itti naqu. Kuukusii jechuun nyaata micaqaa miciqanii harka lamaaniin wolitti riguu isa rigame sana maqasiin xixiqqeessanii cicciruun halluu garagaraa itti dabalanii bifa garagara akka qabaatuuf eelee faaraa irratti akaayuun bilcheessanii nyaataaf itti fayyadamaniidha.erga bachoo/bassoo fi kuukusii wolitti saafaa tokkotti naqanii booda dhadhaa baqsanii qopheeffatan sana fidanii itti naqu. Sana booda sirritti wol-seensisanii woliin sukkuumu. Bachoon/bassoon erga sukkuumamee laafee booda qoriitti naquun itti qadaadamee olkaayama. Micciirraan erga haala kanaan hojjatamee booda isa qoritti naqamee ol-kaawwame sana guyyaa tokkoo fi sanaa ol bulchanii yoo jedhan yeroo nyaataaf fuudhan sirriitti jabaata. Micciirraan haala kanaan qohaahe sagantaa barbaadameef oola.

 

Halaqanaa

Halaqanaan Nyaat Aadaa Oromoo Arsii biratti beekkamtii qabuudha. Halaaqanaan  Qorsoo ykn akaayyii Garbuu fi dhadhaa irraa hojjatama. Qorsoon yookiin akaayyiin garbuu erga akaayyamee booda,qaranaan irraa mooyyeetti irra sirritti erga tumamee booddee hafarfamee qulqullaaye dhadhaan itti naqamuun nyaataaf kan  qophaa’uudha.